काठमाडौँ । दयाहाङ राई र प्रकृति श्रेष्ठ अभिनित फिल्म ‘बिहे पास’ को ट्रेलर सार्वजनिक भएको छ । ट्रेलरमा फिल्मको मुख्य पात्र दयाहाङ वरिपरि घुमेको छ । ट्रेलरले नेपाली समाजमा व्याप्त विवाह परम्पराको पाटो समेत चित्रण गरिएको छ ।
लोकसेवाको परीक्षा दिएर सरकारी सेवामा नाम निकाल्न एक ब्यक्तिले गर्ने संघर्ष र सरकारी जागिर नहुँदा विवाहमा उत्पन्न गरेको समस्या फिल्मले कथा बनाएको छ । दयाहाङ र प्रकृतिको अलवा फिल्ममा शिशिर बाङदेल, बुद्धि तामाङ र रविन्द्र झाको मुख्य भूमिका रहेको छ ।
प्रवेश पौडेलको निर्देशन र रोजन श्रेष्ठको निर्माण रहेको फिल्म वैशाख १ गते प्रदर्शन हुँदैछ । निर्माण युनिटले दयाहाङको अन्य फिल्मको रेकर्ड बिहे पासले तोड्ने बताएका छन् । फिल्मका प्रस्तुतकर्ता रोहित कट्टेल हुन् । अभिनेत्री श्रेष्ठ भने ७ वर्षपछि यसै फिल्ममार्फत अभिनयमा फर्किएकी हुन् ।
