धादिङमा पछिल्लो २४ घण्टामा मात्रै ६० जनामा संक्रमण पुष्टि भएको छ । थप ३१ जना पुरुष र २९ जना महिला गरी ६० जना डेङ्गीका बिरामी भेटिएको स्वास्थ्य कार्यालय धादिङले जनाएको छ।
संक्रमितमध्ये नीलकण्ठ नगरपालिकाका ५८ जना, खनियाबासका १ जना र अन्य जिल्लामा परिक्षण गराएका तर ठेगाना नखुलेका १ जना रहेका छन्। साउन १ यता जिल्लामा संक्रमित हुनेको संख्या ४०२ पुगेको छ। जसमा पुरुष २१६, महिला १८६ जना छन्।
हालसम्मको कुल संक्रमितमध्ये ३७१ जना निलकण्ठका मात्रै छन् ।
