दिपेश कँडेल
बेनिघाट । धादिङको बेनिघाटमा डेँगु रोग नियन्त्रण तथा रोकथामको लागि “खोज र नष्ट गर” अभियान सम्पन्न भएको छ । बेनिघाट आधारभुत अस्पतालको ब्यवस्थापन समिती, जनप्रतिनिधी, स्थानिय बुद्दिजिबि, समाजसेवी, शिक्षक, नेपाल प्रहरी, महिला स्वास्थ्य स्वंयसेबिका, आमा समुह र स्थानियहरूको सक्रिय सहभागितामा डेंगु रोग नियन्त्रण तथा रोकथामको लागि “खोज र नष्ट गर” अभियान सम्पन्न भएको हो ।
कार्यक्रममा डेङ्गी रोग के हो, कसरी सर्छ, लक्षण कस्तो देखिन्छ र यसबाट बच्न के गर्ने भन्ने बिषयमा स्वास्थकर्मीहरुले स्थानियहरुलाई सचेतना गराएका छन् ।
संक्रमणदर बढ्दो क्रममा रहेकाले गाउँपालिका भित्रका सम्पुर्ण सरकारी कार्यलय तथा स्वास्थ्य संस्था परिसरमा सरसफाई र लामखुट्टे खोज तथा नष्ट अभियानलाई निरन्तरता दिने बेनीघाट आधारभूत अस्पतालका डा. महेश श्रेष्ठले बताए ।
