नुवाकोट । सुर्यज्योति लाईफ इन्श्योरेन्स कम्पनी नुवाकोट शाखाले गत आर्थिक बर्षको व्यवसायिक प्रगति समिक्षाका साथ उत्कृष्ट कार्य गर्ने अभिकर्ता तथा एजेन्सी मनेजरहरुलाई सम्मान तथा पुनर्ताजगी कार्यक्रम सम्पन्न गरेको छ । होटल तामाङ प्लाजाको सभाहलमा सञ्चालित उक्त कार्यक्रममा उत्कृष्टताका आधारमा व्यक्तिगत कोड, आफ्नो टिम व्यवसाय र सबै भन्दा धेरै विमा पोलिसि विक्रि गर्ने अभिकर्ताहरुलाई खादा तथा शिल्डले सम्मान गरिएको हो।
कार्यक्रममा ५० भन्दा बढिको संख्यामा सफल अभिकर्ता तथा एजेन्सि मेनेजरहरुको सहभागीता रहेको थियो । कार्यक्रम प्रस्तुतिकरण शाखा प्रमुख शिबराम प्याकुरेलले गर्नुभएको थियो भने उत्कृष्ट कार्य गर्ने अभिकर्तालाई खादा र शिल्ड बाट कम्पनिका क्षेत्रिय प्रवन्धक जयराम ढुंगानाले सम्मान गर्नुभएको थियो।
कार्यक्रममा बोल्दै ढुंगानाले सुर्यज्योति लाईफ इन्श्योरेन्स नेपालमै सर्वाधिक ३५ प्रकारको घातक रोग बिरुद्ध सुरक्षा दिने १ एक मात्र कम्पनि , आईएसओ सर्टिफिकेट प्राप्त, उत्कृष्ट बोनस सुविधा भएको र ग्राहक सुविधामा उच्च प्राथमिकता रहेको कम्पनि भएको बताउनुभयो । उक्त कार्यक्रममा विदुर नगरपालिका वडा नं ९ का अध्यक्ष हरिराम भण्डारिले बिमालाई राज्यले सामाजिक सुरक्षाको कार्यक्रममा भित्र समेट्नु पर्ने धारणा राख्नु भयो भने एजेन्सि म्यानेजर रमेशजंग पाण्डेले अभिकर्ता पेशा ईज्जतदार, कानुनि मान्यता प्राप्त र समाजसेवाको कार्यगर्दै अगाडि बढ्ने पेसा भएको बताउनुभयो । कार्यक्रममा अतिथिहरुलाई शाखाका कार्य सञ्चालन प्रमुख सन्ध्या लामिछानेले स्वागत गर्नुभएको थियो ।
केहि तस्बिर :
