धार्के । धादिङको गल्छी ६ बैरेनीमा रहेको हाइवे बचत तथा ऋण सहकारी संस्था लि.को १७औं बार्षिक साधारण सभा सम्पन्न भएको छ । सहकारीले बार्षिक साधारण सभा मार्फत बार्षिक प्रतिवेदन २०८० संस्थाका कोषाध्यक्ष राम बहादुर अधिकारीले प्रस्तुत गर्नु भएको थियो ।
वि.स २०६३ सालमा ४७ जनाबाट शुरुवात भएको यस सहकारीको शेयर पुँजी ३ करोड ९ लाख २० हजार ८ सय रहेको छ । ऋण लगानी २२ करोड १३ लाख ९५ हजार ५ सय ४८ रुपैयाँ, बचत रकम २२ करोड १८ लाख ९७ हजार ७ सय ४३ रुपैयाँ, जगेडा कोष ३ करोड १४ लाख १७ हजार ८३ रुपैयाँ,अन्य कोष २ करोड १३ लाख ४५ हजार ७ सय ८५ रुपैयाँ,तरलता ७ करोड ९२ लाख ९० हजार ५ सय ६५ रुपैयाँ, बचत (शुद्ध नाफा )९५ लाख ८४ हजार २ सय ८० रुपैयाँ रहेको सहकारीको जम्मा कारोवार रकम ३० करोड ९५ लाख ४३ हजार १८८ रुपैयाँ रहेको सहकारीका कोषाध्यक्ष राम बहादुर अधिकारीले बताए ।
संस्थामा अहिले ४६०५ जना शेयर सदस्य रहेका छन्। कार्यक्रमका वीचमा सहकारीले आफ्ना उत्कृष्ट शेयर सदस्य,वाल बचत कता, उत्कृष्ट कारोवार गर्ने बचत कता र उत्कृष्ट कर्मचारीलाई सम्मान समेत गरेको सहकारीका अध्यक्ष शिव बहादुर भण्डारीले बताउनु भयो ।
संस्थाका अध्यक्ष शिव बहादुर भण्डारीको अध्यक्षता रहेको कार्यक्रमा वाग्मती प्रदेश सहकारी संघका अध्यक्ष रामशरण शर्मा घिमिरेको प्रमुख आतित्यता रहेको थियो । त्यसै गरी कार्यक्रममा सहकारी अभियान्ता नेत्रराज पौडेल, गल्छी गाउँपालिका अध्यक्ष केदार नाथ खतिवडा,उपाध्यक्ष भाइकाजी तिवारी गल्छी र थाक्रेका वडा अध्यक्षहरु विभिन्न सहकारी सगं आवद्ध भएको व्यक्तिहरुको सहित २ हजार ५ सय भन्दा बढी सदस्यहरुको सहभागीता रहेको व्यवस्थापक ऋिशीराम नेपालले बताए।
