धादिङ गल्छी गाउँपालिका वडा नं ६ मा बैरेनीमा रहेको सक्सेस एकेडेमीमा एकदिने निशुल्क आँखा शिविर सम्पन्न भएको छ । सक्सेस एकेडेमीको आयोजना र तिलगंगा आँखा प्रतिष्ठानको सहयोगमा निशुल्क आँखा शिविर सम्पन्न भएको हो ।
बिहिबार आयोजना गरिएको निःशुल्क आँखा शिविरमा १५० जना भन्दा बढिले सेवा लिएका छन् । निशुल्क आँखा शिविरबाट १५० जना भन्दा बढिले आँखा सम्बन्धी स्वास्थ्य सेवा लिएको सक्सेस एकेडेमीले बताएको छ ।
चेकजाँचका क्रममा निःशुल्क औषधी वितरण गर्नुका साथै १७ जनाको आँखामा समस्या देखिएकोले उनीहरुलाई आँखाको अप्रेसनका लागि काठमाडौँ तिलगंगा आँखा प्रतिष्ठानमा लगेर थप उपचार गरिने सक्सेस एकेडेमीका निर्देशक रामचन्द्र अर्यालले बताए । अप्रेशनका लागी काठमाडौँ रिफर गरिएका १७ जनालाई जाने आउने व्यवस्था सहित खानपान र बस्ने व्यवस्था निः शुल्क निर्देशक अर्यालको भनाई छ ।
