नेपाल महिला संघ केन्द्रीय कार्यालयको आयोजनामा सञ्चालित बृहत् स्वास्थ्य शिविर संघको केन्द्रीय कार्यालय भापासीमा सम्पन भएको छ । लैङ्गिक हिंसा विरुद्धको सोह्र दिने अभियानको लैङ्गिक हिंसा अन्त्यको सुनिश्चितता ,महिला र बालबालिकामा लगानीको ऐक्यबद्धता भन्ने मूल नाराको साथ महिलाको स्तन क्यान्सर, मधुमेह तथा रगत परीक्षण सम्बन्धि जाँच लगायत सचेतनामूलक कार्यक्रममा सहयोगी पार्टनरको रुपमा राष्ट्रिय वाणिज्य बैंक रहेको थियो ।
कार्यक्रममा मेडिकल टीमका पाँचजना डाक्टरहरुको टीमले १०२ जना महिला पुरुषको स्वास्थ्य जाँच गरेका थिए ।
स्वास्थ्य जाँच गरेपछि महिलाहरुको स्तन क्यान्सरको बारेमा सचेतना अभिवृद्धि कार्यक्रम सञ्चालन भएको थियो । कार्यक्रम सञ्चालनको क्रममा बोल्नुहुदै नेपाल महिला संघकी संस्थापक अध्यक्ष मङ्गलादेवी सिंहकी बुहारी एवम् नेपाली काँग्रेस काठमाडौंकि नेतृ सिर्जना सिंहले मङ्सिर २५ गते मङ्गला आमाको जन्मजयन्ती परेको हुँदा मङ्गला माँले स्थापना गरेको संस्थाले महिलाहरुको स्तन क्यान्सर जस्तो भयानक रोगबाट कसरी बँच्न र बँचाउन सकिन्छ भन्ने सचेतनामूलक अभियानले स्वयं आफू कसरी क्यान्सरबाट बँच्न सकिदो रहेछ भन्ने कुरा जानकारी पाउँदा खुशी प्रकट गर्दै स्वर्गीय मङ्गला माँ प्रति श्रद्धाञ्जली अर्पण गरेकी थिइन् ।
त्यस्तै नेपाल महिला संघकी केन्द्रीय अध्यक्ष उषा रावल मिश्रले छोटो समयमा वृहत् स्वास्थ्य शिविर राख्न सफल भएकोमा सहयोगी हातहरु राष्ट्रिय वाणिज्य बैंक, आस्था हेल्थ होम केयर, ग्रामीण महिला सचेतना कल्याण सेवा केन्द्रलाई कार्यक्रम सफल बनाउन सहयोग गर्नुभएकोमा धन्यवाद दिएकी गिइन् । साथै नेपाल महिला संघ केन्द्रीय कार्यसमितिका साथीहरुले आउँदा दिनहरुमा पनि रचनात्मक र सिर्जनात्मक कार्यक्रम सञ्चालन गर्ने कार्यहरु अघि सार्ने निर्णय गरेका छन् ।
