धार्के,धादिङ । धादिङको धुनिवेशी नगर सहकारी संघ लिमिटेडद्वारा ६७ औं राष्ट्रिय सहकारी दिवस २०८० को उपलक्ष्यमा धुनिवेशी ६ धार्केमा प्रभातफेरी कार्यक्रम को आयोजना गरेको छ।
नगरपालिका भित्र रहेका सहकारीहरुको छाता संगठन धुनिवेशी नगर सहकारी संघको आयोजनामा भएको कार्यक्रमका प्रमुख अतिथि एवं नगरपालिकाका नगर प्रमुख बालकृष्ण आचार्यले ६७ औं राष्ट्रिय सहकारी दिवसका अवसरमा शुभकामना दिनु हुँदै सबै सहकारी एक ढिक्का भएर आफ्ना नागरिकहरूलाई सेवा दिन आग्रह गर्नु भएको छ । उहाँले पछिल्लो समय सहकारीका बिभिन्न नराम्रो कार्यहरु गरेका खबर आइरहेको बेला नगर भित्र रहेका सहकारीले सचेत भएर काम गर्नु पर्ने बताए।
वि.सं. २०१३ साल चैत्र २० गते चितवनको शारदानगरमा बखान सहकारी स्थापना भएको दिनलाई स्मरण गर्दै सहकारी दिवस मनाउने गरिएको बताउँदै धुनिवेशी नगर सहकारी संघले पनि उक्त अवसरमा प्रभातफेरी कार्यक्रम आयोजना गरिएको नगर सहकारी संघका अध्यक्ष बासुदेब बाँस्कोटाले बताएका छन।
नवज्योति बचत तथा ऋण सहकारीका संस्थाका अध्यक्ष अर्जुन आचार्यले सञ्चालन गर्नु भएको कार्यक्रममा नगर प्रमुख बालकृष्ण आचार्य,वडाका वडा अध्यक्ष ,सदस्य , बिभिन्न सहकारीका सञ्चालक तथा शेयर सदस्य, सहकारी कर्मी लगायतको उपस्थिति रहेको थियो।
