आँखुखोला जलविद्युत कम्पनी लिमिटेडले हकप्रदका लागि बुकक्लोज मिति तय गरेको छ । कम्पनीले निष्काशन गर्न लागेको १ः१.५ अर्थात १५० प्रतिशत हकप्रद प्रयोजनका लागि बुकक्लोज मिति तोकेको हो ।
कम्पनीले हकप्रद प्रयोजनाका लागि यहि साउन १ गते एक दिनका लागि बुकक्लोज गर्ने जनाएका छ त्यसैले असार ३१ गतेसम्म नेप्सेमा कारोबार भई कायम सेयरधनीहरुले मात्र कम्पनीको हकप्रदमा आवेदा दिन पाउनेछन् ।
नेपाल धितोपत्र बोर्डले असार १९ गते कम्पनीलाई हकप्रद निष्काशन अनुमति दिएको थियो । धितोपत्र बोर्डले कम्पनीलाई हाल कायम १ कित्ता सेयर बराबर नयाँ १.५ कित्ता सेयर निष्कासन गर्न अनुमति दिएको हो । कम्पनीले १ करोड २० लाख कित्ता हकप्रद सेयर निष्कासन गर्न अनुमति दिएको हो । कम्पनीको शेयर निष्कासन तथा बिक्री प्रबन्धकमा नबिल इन्भेष्टमेन्ट बैंकिङ रहेको छ ।
कम्पनीले गणेश हिमाल हाइड्रोपावर प्राइभेट लिमिटेडले प्रवर्द्धन गर्न लागेको २० मेगावाट क्षमताको आँखुखोला–२ जलविद्युत आयोजनामा लगानी गर्नका लागि हकप्रद बिक्री गर्न लागेको बताएको छ ।
