धादिङको धुनिवेशीमा बिहिबार सहकारी सँस्थाहरुको वार्षिक समिक्षा गरिएको छ । समिक्षा कार्यक्रम नगरपालिका अन्तर्गत सहकारी शाखाको आयोजनामा भएको हो ।
सहकारी शाखाले तयार पारेको २९ वटा स्लाईडको समिक्षा गर्न पालिका भित्र रहेका ३० वटा सहकारी संस्था मध्ये १६ वटा सहकारीले सो कार्यक्रममा भाग लिएको थिए । सहकारी ऐन २०७४ अनुसार नियामक निकायमा गर्नुपर्ने मासिक तथा वार्षिक रिर्पोटिङ र समिक्षा कार्यक्रममा उपस्थित नभएका सहकारीहरुलाई कारण बुझि कारबाहीको दायरामा ल्याउने विषयमा पनि छलफल भएको छ ।
धुनिवेशी नगरपालिकाको आयोजनामा ३ पटक सञ्चालन भई सकेको कोपोमिस सम्वन्धि तालिम लिईसकेका सहकारी संस्थाले हालसम्म पनि विवरण अपडेट नगरेको हुँदा सहकारी ऐन २०७४ र नियमावली २०७५ मा समेत कोपोमिसको विषयमा उल्लेख भएकाले यसमा आवद्ध हुन आलटाल गर्ने संस्थाहरुलाई अब नगरपालिकाले ऐन बमोजिम कारवाही समेत हुन सक्ने कार्यक्रममा बताईएको छ ।
यस्तै सहकारी सँस्थाहरुको प्रगती, समस्या, समाधानका उपाय लगायत अबका दिनमा गर्नु पर्ने योजनाहरुको बारेमा पनि छलफल भएको तथा समिक्षा भएको थियो ।
नगरपालिका प्रमुख बालकृष्ण आचार्यको अध्यक्षतामा भएको कार्यक्रममा जिल्ला सहकारी संघका अध्यक्ष रामचन्द्र आचार्यको प्रमुख आतित्थ्यता र नगर सहकारी संघका अध्यक्ष बाशु बास्कोटाको विशेष आतित्थ्यता रहेको थियो ।
यसैगरी कार्यक्रममा धुनिवेशी नगरपालिका बरिष्ठ लेखा अधिकृत गोविन्द पौडेल, शिक्षा शाखाका बिकास खत्री, कृषि शाखाका कृषि अर्थ विज्ञ अन्नत राज ढकाल, कृषि प्रविधिक सन्तोष खड्का र सहकारी शाखाका कर्मचारी तथा कार्यक्रम संयोजक अजित यादवको उपस्थिती रहेको थियो ।
कार्यक्रमका केही तस्बिरहरु:
