नुवाकोटको बिदुर ३ बुधसिंघाटमा रहेको श्री बुधसिंघाट कृषि सहकारी संस्थाको १३ औं बार्षिक साधारणसभा सम्पन्न भएको छ । सहकारीका अध्यक्ष शरण राईको अध्यक्षतामा भएको साधारणसभामा बिदुर नगरपालिकाको कार्यपालिका सदस्य साबित्री राईको प्रमुख आतिथ्यता रहेको थियो ।
कार्यक्रममा बिशेष अतिथि वडा सदस्य ईन्द्र प्रसाद अधिकारी, बाग्मति प्रदेश बिपद व्यवस्थापन बेस क्याम्प नुवाकोट प्रमुख प्रसनि गौरिशंकर साह, पुर्व शिक्षक हरि प्रसाद अधिकारी, चतुरमान तामाङ तथा जेष्ठ नागरिक, समाजसेवी लगायतको आतित्थ्यता रहेको थियो ।
सहकारीको आर्थिक वर्ष २०८१÷८२ को बार्षिक प्रतिबेदन संस्थाको सचीव रामशरण वस्तिबाट प्रस्तुत भएको छ । यस्तै कुलि पुँजी रु ३९ लाख ८५ हजार ३२२ सँगै आय–व्यव प्रस्तुत गरिएको छ ।
सहकारी बि.सं. २०६८ सालमा स्थापना भएको हो । सहकारीमा महिला ३२ र पुरुष ५७ गरि ८९ जना शेयर तथा बचत सदस्य रहेको छ । यसैगरी सहकारी संचालक समितिको रिक्त रहेको कोषाध्यक्षमा दीपक ठकुरी चयन हुनुभएको छ ।
सहकारीले नियमित बचत तथा आवश्यक ऋृण प्रवाह गर्दै आईरहेको छ । सहकारिले आवश्यक ऋण लाई आम्दानी हुने पशुपन्छि तरकारी खेतिमा ध्यान दिनुपर्ने संस्थाको अध्यक्ष शरण राईले बताउनु भएको छ । उक्त कार्यक्रमको संचालन ठाकुर प्रसाद वस्ती राजुले गर्नुभएको थियो।
