धुनिवेशी नगरपालिकामा विभिन्न नसर्ने रोग, मानसिक स्वास्थ्य तथा सरुवा रोग नियन्त्रण तथा जुनोटिक रोग रोकथाम सम्बन्धी सचेतना तथा अन्तरक्रिया कार्यक्रम भएको छ । बागमती प्रदेश स्वास्थ्य मन्त्रालय अन्तर्गत स्वास्थ्य निर्देशनालयको आयोजनामा उक्त कार्यक्रम भएको हो ।
कार्यक्रममा विभिन्न नसर्ने रोगहरु, रोगको पहिचान तथा उपचार सँगै मानसिक स्वास्थ्य तथा सरुवा रोग नियन्त्रण तथा जुनोटिक रोगको रोकथामको बारेमा सहभागीहरुलाई जानकारी गराईएको छ ।
कार्यक्रममा विशेष गरि सुर्तिजन्य पदार्थको प्रयोग, अस्वस्थ आहार, शारिरिक निष्किृयता, मदिराजन्य पदार्थको प्रयोगका कारण हुने समस्याहरु र यसबाट आउने समस्या कम गर्न अपनाउनुपर्ने उपायहरुका बारेमा जानकारी गराईएको छ । यस्तै मानसिक स्वास्थ्य र यसको समस्याका लक्षणहरु, जोखिम भएका व्यक्तिको पहिचान लगायत रेविज रोगको बारेमा पनि जानकारी गराईएको छ ।
कार्यक्रममा नगरप्रमुख बालकृष्ण आचार्यले नगरपालिकाले स्वास्थ्य क्षेत्रमा गरिरहेको कामको बारेमा पनि सहभागीलाई जानकारी गराउनुका साथै विभिन्न रोगका बारेमा सचेत रहन पनि आग्रह गर्नुभएको छ ।
नगरपालिकाको स्वास्थ्य शाखा प्रमुख धुव्र कुमार अधिकारीको अध्यक्षता र नगरप्रमुख बालकृष्ण आचार्यको प्रमुख आतित्थ्यतामा भएको कार्यक्रममा स्वास्थ्य निर्देशनालयका शाखा प्रमुख अर्जुन पौडेल, यसैगरी मुस्कान पुडासैनीले सहजिकरण गर्नुभएको थियो ।
कार्यक्रममा विभिन्न स्वास्थ्यकर्मी, कर्मचारी, शिक्षक, विद्यार्थी, अभिभावक लगायतको सहभागिता रहेको धुनिवेशीको स्वास्थ्य शाखाका हेमन्त सुवेदीले जानकारी दिनुभयो । बागमती प्रदेश स्वास्थ्य मन्त्रालय अन्तर्गत स्वास्थ्य निर्देशनालयले विभिन्न जिल्लाको पालिकामा नमुनाको रुपमा यस्तो किसिमको कार्यक्रम गरिरहेको जानकारी गराईएको छ ।
