मायोपिया (दृष्टि दोष) नियन्त्रणका लागि दृष्टि आई केयरको साताव्यापी अभियान सुरु भएको छ । विश्वभर तीव्र गतिमा बढीरहेको मायोपिया प्रति आमनागरिकमा सचेतना जगाउन दृष्टि आई केयर सिस्टमले जेष्ठ ५ देखि ११ गतेसम्मका लागि “मायोपिया जनचेतना सप्ताह” को अभियान सुरु गरेको हो । दृष्टिको काठमाण्डौ, विरगञ्ज र बिर्तामोड शाखाहरुबाट सञ्चालन हुने अभियान अन्तरगत विविध जनचेतना मूलक कार्यक्रमहरु आयोजना गरिने भएको छ ।

यसौबिच अभियानको अवसरमा जेठ १० गते शनिवार विहान ७ बजे दृष्टि आई केयर सिस्टमका तीनवटै शाखाहरु काठमाडौ कलंकी, विरगञ्ज र विर्तामोडबाट एकैसाथ मायोपिया जनचेतना ¥यालीको आयोजना गरिएको छ । ¥यालीमा आँखा स्वास्थ्य सँग सम्बन्धीत संघ संस्था, सरकारी तथा गैरसरकारी निकायका प्रतिनिधि, स्वास्थ्यकर्मी, युवा विद्यार्थी र स्थानीय समुदायको सहभागीता रहने दृष्टिले बताएको छ । सप्ताह अन्तरगत सामुदायिक विद्यालयहरुमा स्कूल स्क्रिनिङ शिविर सञ्चालनगरिने छ । शिविरमा परीक्षण गरिएका विद्यार्थीहरुलाई दृष्टिआई केयरका सबै शाखाहरुमा निःशुल्क रुपमा विस्तृत परीक्षण सेवा प्रदान गरिने बताइएको छ ।

दृष्टिले अभियान भित्र १७ बर्षसम्मका सबै विद्यार्थीहरुले अग्रिम नामदर्ता गराई आँखा परीक्षण गर्न आउने सबैलाई निःशुल्क सेवा उपलब्ध गराउने जानकारी दिएको छ । साथै चस्मा तथा मायोपिया नियन्त्रणका विशेष लेन्सहरुमा छुट दिने बताएको छ । समयमै परीक्षण र नियन्त्रण नभए बालबालिका र युवाहरुका बीचमा यो मायोपिया विश्वव्यापी रुपमै प्रमुख चुनौति बन्दै आएको छ । विश्व स्वास्थ्य संगठनले सन् २०५० सम्म विश्वको आधा जनसंख्यामा यो पियाबाट प्रभावित हुने अनुमान गरेको छ । यही अवस्थालाई ध्यान दिँदै मायोपिया रोकथाम र उपचारका उपायाहरुबारे जानकारी दिने उदेश्यका साथ साता व्यापी कार्यक्रम आयोजना गरिएको कार्यकारी निर्देशक डा. भाईराजा श्रेष्ठले बताउनुभयो । डा. श्रेष्ठले दृष्टिआई केयरको वेबसाईट https://drishtieye.org/ मा रहेको क्याल्कुलेटरको माध्यमबाट सबैले निःशुल्क रुपमा आफ्नो र आफ्ना बालबालिकाको मायोपिया जोखिमको अवस्था थाहा पाउन सकिने बताउनु भयो ।

मायोपिया विशेषज्ञ दीपक घिमिरेका अनुसार “मायोपिया अब सामान्य दृष्टिदोष मात्र नभई दीर्घकालिन दृष्टि गुमाउने कारक बन्दै गएको छ, त्यसैले यसप्रति सचेतना आवश्यक छ ।”