धादिङ । शिक्षकहरुलाई एकीकृत पाठ्यक्रम सम्बन्धि ३ दिने क्लस्टर तहको तालिम धादिङको बेनीघाट रोराङ गाउँपालिकाको वार्ड नम्बर ६ को स्यादुलमा सम्पन्न भएको छ ।
आइतबार देखि सुरु भएको तालिम आज मंगलबार १३ गते सम्म सञ्चालन भएको थियो। शिक्षामा पहुँच सुनिश्चितता परियोजना अन्तर्गत ६ नम्बर वडामा रहेका ५ वटा विद्यालयका कक्षा १–३ मा अध्यापनरत १७ जना शिक्षकहरुको सहभागिता रहेको थियो ।तालिममा एकीकृत पाठ्यक्रमको सैद्धान्तिक जानकारी, शिक्षण विधिका ८ वटा चरणहरु, बालमैत्री शिक्षण शिकाइ, म गर्छु, हामी गर्छौ र तिमी गर भन्ने विधिका बारेमा सहजकर्ता योगेन्द्र चापागाईं जानकारी गराउनु भएको थियो। एकीकृत पाठ्यक्रमको क्रियाकलापमा आधारित भएर शिक्षण गर्नुपर्ने सहजकर्ता चापागाईंको भनाई छ ।
तालिम चाइल्डफन्ड जापानको आर्थिक तथा प्राविधिक सहयोगमा बेनिघाट रोराङ गाउँपालिकाको समन्वयमा प्रयास नेपाल धादिङले सेफ परियोजना सञ्चालन गर्दै आएको छ ।
यस अगाडी वडा नम्बर ८ र १० मा तीन दिन तालिम सञ्चालन भएको सेफ परियोजनाका प्रबन्धक सन्तोष सत्याल बताउनु भयो।कार्यक्रममा प्रयास नेपाल धादिङका अध्यक्ष विर बहादुर श्रेष्ठ, वडा नम्बर ६ का वडा अध्यक्ष टेकनाथ सिलवाल,सहजकर्ता योगेन्द्र चापागाईं,सेफ परियोजनाका प्रबन्धक सन्तोष सत्याल, पञ्चकन्या माध्यमिक विद्यालयका प्रधानाध्यापक कुष्ण प्रसाद सिल्वाल अन्य शिक्षकहरु लगायतको सहभागिता रहेको थियो।
