कक्षा १२ को परीक्षामा धुनिवेशी नगरपालिकाको ६५.७३ प्रतिशत विद्याथी उत्तीर्ण भएका छन् । सार्वजनिक नतिजा अनुसार उक्त पालिकाको कुल १७८ जनामध्ये ११७ जना विद्यार्थी उत्तीर्ण भएका हुन् । परिक्षामा ६१ जना अनुतिर्ण भएका छन् ।
नतिजा अनुसार महेशधर्म माध्यमिक विद्यालयबाट परिक्षामा २१ जना सहभागी भएकोमा १८ जना अर्थात ८५.७१ प्रतिशत विद्यार्थी उतीर्ण भएका छन् ।
यसैगरी महेन्द्रोदय माविबाट ३४ जना मध्ये २५ जना अर्थात ७३.५२ प्रतिशत, मच्छिन्द्र माविबाट ४० जना मध्ये २९ जना अर्थात ७२.५ प्रतिशत, धुनिवेशी आवासिय माविबाट ४७ जना मध्ये ३२ जना अर्थात ६८.०८ प्रतिशत र भुवनेश्वरी माविबाट ३६ जना मध्ये १३ जना अर्थात ३६.११ प्रतिशत विद्यार्थी उर्तिण भएका हुन् ।
माथी उल्लेखित धुनिवेशी आवासिय मावि सँस्थागत विद्यालय हो भने अन्य सबै सामुदायिक विद्यालय हो । धुनिवेशी नगरपालिकाको परिक्षाफल समग्रमा राष्ट्रिय नतिजा भन्दा राम्रो छ । यद्यपी यसअघिको एसईईमा राम्रो नतिजा ल्याउन नसकेको भुवनेश्वरी कक्षा १२ को परिक्षाफलमा पनि चुकेको छ ।
