जनमैत्री बहुमुखी क्याम्पस कुलेश्वर काठमाडौँमा तीज विशेष नृत्य प्रतियोगित, गजल प्रतियोगिता, कक्षा ११ का नवआगन्तुक विद्यार्थीका लागि स्वागत तथा कक्षा १२ उत्तीर्ण गर्न सफल विद्यार्थीका लागि बधाई तथा शुभकामना कार्यक्रम सम्पन्न भएको छ ।
उक्त कार्यक्रममा लगभग २५ जना विद्यार्थीले प्रतिस्पर्धामा भाग लिएका थिए । उक्त कार्यक्रममा प्रथम, द्धितिय र तृतिय स्थान हासिल गर्ने विद्यार्थीलाई पुरस्कार वितरण गरिएको थियो ।
तीजको विशेष अवसरमा आयोजित कार्यक्रममा सबै महिला विद्यार्थी तथा शिक्षिका र महिला कर्मचारीलाई क्लिप उपहार प्रदान गरिएको क्याम्पस प्रशासनले जनाएको छ ।त्यसैगरी महिला शिक्षक र कर्मचारीका लागि क्याम्पसका तर्फबाट विशेष उपहार पनि प्रदान गरिएको थियो।
कक्षा १२ उत्तीर्ण गरेका विद्यार्थीका लागि मायाको चिनो स्वरूप जनमैत्री बहुमुखी क्याम्पसको लोगो र नाम सहितको कप उपहार प्रदानगरिएको क्याम्पस प्रशासनले जनाएको छ । कार्यक्रममा लगभग एक हजार विद्यार्थी, शिक्षक, कर्मचारी र अभिभावकको सहभागिता रहेको थियो।
