वर्षा गराउने न्यून चापीय मौसम प्रणाली नेपालबाट बाहिरिएको छ । जल तथा मौसम विज्ञान विभागले आइतबार एक विज्ञप्ति जारी गर्दै उक्त जानकारी दिएको हो । विभागले वाग्मती, त्रिशूली, पूर्वी राप्ती, लालवकैया, कमला लगायतका नदीहरुमा जलसतहले सतर्कता तह पार गरेको र हाल घट्दो क्रममा रहेको जनाएको छ ।
त्यसैगरी विभागका अनुसार कन्काई, बुढीखोला, लोहन्द्रा, खेशलैया, विरिङ लगायतका चुरै महाभारत उद्गम भई बहने नदीहरुमा समेत खतरा तह पार भई हाल घट्दो क्रममा रहेको छ ।
