अरब सागरमा बनेको न्यूनचापीय प्रणाली तथा बंगालको खाडीमा विकसित चक्रवात ‘मोन्था’को प्रभाव दखिन सुरु भएको छ । अरब सागरमा बनेको न्यूनचापीय प्रणाली, बंगालको खाडीमा विकसित चक्रवात ‘मोन्था’ र पश्चिमी वायूका कारण आज बिहानैबाट देशका विभिन्न स्थानमा वर्षा सुरु भएको छ ।
जल तथा मौसम विज्ञान विभागका अनुसार आज बिहानबाट कोसी, मधेस, वाग्मती, गण्डकी र लुम्बिनीमा वर्षा भइरहेको छ । आज धेरैजस्तो ठाउँमा हल्का वर्षा हुनेछ । केही स्थानमा मात्रै भारी वर्षा हुनेछ । केही स्थानमा केही मिलिमिटरले मात्रै भारी वर्षा मापन हुने सम्भावना रहेको छ ।
आजभन्दा ‘मोन्था’को प्रभाव भोलि धेरै देखिनेछ । त्यसैले आजभन्दा भोलि धेरै वर्षाको सम्भावना छ । आज दिउँसोबाट ‘मोन्था’को प्रभाव केही बढ्दै जाने र रातिबाट थप बढ्ने मौसमविद्को भनाई छ ।
