धादिङको गल्छी गाउँपालिका वडा नम्बर ८ रानीमालामा सोनाम ल्होसार विशेष साँस्कृतिक कार्यक्रम भएको छ । गल्छी तामाङ समाज तथा निङ्गमा सेडुब दार्जिलिङ असारे गुम्बाको आयोजनामा उक्त कार्यक्रम भएको हो ।
कार्यक्रममा तामाङ समुदायको मौलिक संस्कृति, परम्परा तथा सांस्कृतिक झल्किने विभिन्न प्रस्तुतीहरु प्रस्तुत गरिएको छ । कार्यक्रममा कोपिला वाईबा, रजनी लामा, ईन्द्र तामाङ, एलिना तामाङ लगायतले विभिन्न प्रस्तुती प्रस्तुत गरेका छन् ।
