नेकपा (एमाले) का अध्यक्ष केपी शर्मा ओलीले जादुमय निर्वाचनको मञ्चन भएको टिप्पणी गरेका छन् । पार्टी केन्द्रीय कार्यालय चयासलमा बिहीबार आयोजित कार्यक्रममा अध्यक्ष ओलीले भने, “अहिले पनि संवैधानिक प्रक्रिया, लोकतान्त्रिक प्रक्रियाबाट सरकार गएको हैन, हुलहुज्जतबाट सरकार गएको हो ।”
यसमा दुविधामा नपर्न उनले आग्रह गरे । हुलहुज्जत गरेर संसद विघटन गरिएको उनको टिप्पणी छ । उनले रास्वपाले प्राप्त गरेको झण्डै दुईतिहाइ बहुमत सधैँका लागि नभएको उल्लेख गरे । "जादुगरले हात हल्लाउँदा खल्तीबाट परेवा निकालेजस्तै यो एउटा परेवा निकालेको मात्रै हो,” ओलीले भने ।
