साबिक विजेता इरानले सेन्ट्रल एसिया भलिबल एसोसिएसन (काभा) महिला भलिबल च्याम्पियनसिपमा लगातार दोस्रो जित निकालेको छ । आइतबार त्रिपुरेश्वरस्थित राष्ट्रिय खेलकुद परिषद् कभर्डहलमा सम्पन्न खेलमा इरानले श्रीलंकालाई ३–० को सोझो सेटमा पराजित गर्यो ।
इरानले खेल २५–१६, २५–१३, २५–११ ले एकपक्षीय रूपमा आफ्नो पक्षमा पारेको हो । जितसँगै दुई खेलमा ६ अंक जोडेको इरानले समूहञबीझबाट सेमिफाइनल सम्भावना लगभग पक्का गरेको छ । लगातार दोस्रो हार व्यहोरेको श्रीलंका भने अंकविहीन छ ।
पहिलो खेलमा इरानले बंगलादेशलाई ३-० को सोझो सेटमा हराएको थियो । श्रीलंका काजकिस्तानसँग ३-० कै सोझो सेटमा पराजित भएको थियो ।
