राष्ट्रिय स्वतन्त्र पार्टी (रास्वपा) धुनिवेशीको नगरपालिकाको प्रथम नगर अधिवेशन शुक्रबार सम्पन्न भएको छ। अधिवेशनले सुदीप पाठकको नेतृत्वमा नयाँ नगर कार्यसमिति चयन गरेको छ। अधिवेशनमा सभापति, उपसभापति, सचिव र आठ सदस्य पदका लागि निर्वाचन भएको थियो। सभापति पदमा सुदीप पाठक र दिनेश रुपाखेतीबीच प्रतिस्पर्धा भएकोमा पाठकले ७८ मत प्राप्त गर्दै विजयी भएका हुन्। उनका निकटतम प्रतिद्वन्द्वी रुपाखेतीले ६७ मत प्राप्त गरेका थिए।
निर्वाचनबाट अशोक कुमार पाण्डे उपसभापति र जीवन लुइँटेल सचिवमा निर्वाचित भएका छन्। सह–सचिव पदमा मनिषा भट्टराई तथा दलित महिला सदस्य पदमा सर्वसम्मत चयन भएको हो ।
त्यसैगरी सदस्यहरूमा प्रविन भट्टराई, जीवन कुमार लामिछाने, उमेश राना, राजेन्द्र सुवेदी, कपिल प्रसाद पाठक, अम्बिका न्यौपाने रेग्मी, शिव कुमार कुँवर, रिकेश घिताल र रिता सुनार चयन भएका छन्।
अधिवेशनले जिल्ला प्रतिनिधिमा दिलिप उप्रेती, उमेश सुवेदी, बसन्त गजुरेल र प्रकाश बयलकोटी, प्रदेश प्रतिनिधिमा पविन थापा र देवराज गजुरेल तथा महाधिवेशन प्रतिनिधिमा समिर रेग्मी र सुरेश गजुरेललाई चयन गरेको छ।
शुक्रबार सम्पन्न अधिवेशनमा रास्वपाकी केन्द्रीय समिति सहकोषाध्यक्ष तथा प्रतिनिधिसभा सदस्य बसुमाया तामाङ प्रमुख अतिथिका रूपमा सहभागी थिइन्। प्रतिनिधिसभा सदस्य बोधनारायण श्रेष्ठ र समिक्षा बास्कोटा विशेष अतिथिका रूपमा उपस्थित थिए। त्यस्तै, पार्टीका केन्द्रीय सदस्य आर।के। ढुंगाना, रास्वपा धादिङका जिल्ला सभापति सूर्यमणि पाठक लगायत नेता–कार्यकर्ता तथा शुभेच्छुकहरूको उल्लेखनीय सहभागिता रहेको थियो।
