नेपाली कांग्रेसका सभापति गगन कुमार थापाले सरकारले कालो कर्तुत गरे नछोड्ने चेतावनी दिएका छन् । बीपी स्मृति दिवसका अवसरमा कांग्रेसले काठमाडौंमा आयोजना गरेको कार्यक्रममा उनले भने, “कालो चस्मा लगाउनुस् तपाईंको छल हुन्छ, कालो वस्त्रधारण गर्नुहोस् तपाईंको छल हुन्छ, तर कालो कर्तुत गर्नुभयो भने म छोड्दिनँ ।”
सुकुम्वासी समस्या, विधि विधान र नागरिकसँग जोडिएका विषयमा संसद्मा कांग्रेसका सांसदहरूले प्रश्न उठाइरहेको उनले बताए । सरकारले राम्रो काम गरे कांग्रेसले थप्पडी बजाउने, तर नराम्रो गरे नछोड्ने उनको भनाइ छ ।
