डा. गोविन्द केसीले धनगढीबाट सत्याग्रह सुरु गरेका छन् । डा. केसीले बिहीबार दिउँसो ३ बजेबाट धनगढी–१ मा रहेको कृष्ण मन्दिरको धर्मशालामा सत्याग्रह बसेका छन् । पत्रकार सम्मेलन गरी आफ्नो माग सार्वजनिक गरी सत्याग्रह बसेका हुन् । यो उनको २४औँ अनशन हो ।
सरकारले पटक–पटक भएका सहमति र आफूले अघि सारेका मागहरू कार्यान्वयनमा बेवास्ता गरेको आरोप लगाउँदै उनले यसपटक पनि आमरण अनशनको बाटो रोजेका हुन् । एक दिनअघि दार्चुलाबाट धनगढी पुगेका उनले सरकारलाई आफ्ना माग सम्बोधन गर्न पर्याप्त समय दिए पनि कुनै ठोस पहल नभएको भन्दै आन्दोलन अपरिहार्य बनेको बताए ।
