शिवराज आचार्य
धार्के । धादिङको थाक्रे गाउँपालिका वडा नम्बर ५ तसर्पू दामेचौरमा रहेको प्रेम सागर फाउन्डेशन द्धारा सञ्चालीत जनभोजन कार्यक्रमलाई पाठशाला नेपाल फाउण्डेशनले २५ हजार नगद सहयोग गरेको छ ।
प्रेम सागरको जनभोजन कार्यक्रमको कार्यालय तसर्पू दामेचौरमा आज एक कार्यक्रमको विच पाठशाला नेपाल फाउण्डेशनका कोडिनेटर विष्णु लम्सालले थाक्रे गाउँपालिका कार्यापालिका सदस्य रजनी लामालाई नगद रु २५ हजार हस्तान्तरण गरिएको छ ।
प्रेम सागर फाउन्डेशन द्धारा सञ्चालित जनभोजन कार्यक्रमले दैनिक ३ सय ७५ जना बालबालीका बृद्ध आमा बुबाहरुलाई बिहानको खाना खुवाउँदै आएको छ भने धादिङ र मकवानपुरका बिभिन्न विद्यालयका १ हजार ७ सय भन्दा बढी बिद्यार्थीहरुलाई दिवा खाजा कार्यक्रम सञ्चालन गदै आएको व्यवस्थापक भोला राउतले बताए ।
जनभोजन कार्यक्रममका लागी दैनिक खाना ब्यबस्थापन खर्च २५ हजार लाग्ने गरेको छ । त्यसैअनुरुप पाठशाला नेपाल फाउण्डेशन एक दिन बराबरको खानाको ब्यबस्थापन खर्च उपलब्ध गराएको फाउण्डेशन जनाएको छ । आज भएको कार्यक्रममा आर्दश माध्यमिक विद्यालय , महाकाली माध्यमिक विद्यालय ,लिति महाँकाल माध्यमिक विद्यालय र बागेश्वर माध्यमिक विदालयका शिक्षक विद्यार्थीको सहचागीता रहेको थियो । जनभोजन कार्यक्रम ब्यबस्थापनको लागी बिभिन्न ब्यक्तिहरुले जन्म दिन, बिबाह उत्सवका अवसरमा सहयोग गर्दै आएका छन् ।
२०७६ असोज ०३ गते प्रकाशित
