धार्के । धादिङको धुनिबेशी ६ तल्लो बानियाँटारमा आज सोमबार देखि खेल सुरु हुँदैछ । “राष्ट्रका लागि खेलकुद स्वास्थ्यका लागि खेलकुद” भन्ने मुल नाराका साथ धुनिबेशी नगरपालिकाको आयोजना र धुनिबेशी नगरस्तरिय फुटबल प्रतियोगिता मुल आयोजक समितीको समन्वयमा प्रतियोगिता हुन लागेको हो ।
बिहान १० बजे खेल प्रतियोगिताको औपचारीक उद्घाटन गरेर दिउँसो तिन बजे देखि खेल सुरु गर्ने धुनिबेशी नगरस्तरिय फुटबल प्रतियोगिता मुल आयोजक समितीका अध्यक्ष प्रदिप कोईरालाले बताउनुभयो ।
प्रतियोगिताको लागि सम्पाुर्ण तयारी पुरा भएको भन्दै प्रतियोगिता निकै सभ्य र भव्य हुने मुल आयोजक समितीका वरिष्ठ सल्लाहकार सुरेश आचार्यले बताउनुभयो ।
नगरप्रमुख बालकृष्ण आचार्यले प्रतियोगिता सम्पन्न गर्नका लागि नगरपालिकाको तर्फबाट सहयोग रहने बताउनुभयो । गत शुक्रबार देखी प्रतियोगिता आयोजना गर्ने भनिएपनि प्राविधिक समस्याका कारण खेल सोमबार आज देखी गर्न लागिएको हो ।
प्रचार प्रसारका लागि सञ्चार सहयोगीको रुपमा रेडियो राजमार्ग ९२.१ मेगाहर्ज, कृषी रेडियो, नागरिकपाटी डटकम, अनलाईन केन्द्र डटकम, धुनिबेशी डटकम र देशविकास डटकम रहेका छन् ।
यस्तो छ खेल तालिका...
२०७६ असोज १३ गते प्रकाशित
