धादिङ । नेपालमा कोरोना संक्रमणका कारण थप १ जनाको मृत्यु भएको छ । भरतपुर अस्पतालको आईशोलेशनमा उपचाररत कोरोना संक्रमित कैलालीका गोदावरी नगरपालिका ७ का ५० वर्षीय पुरूषको शनिबार बिहान मृत्यु भएको हो ।
फोक्सोको क्यान्सर भएका ति पुरुष केही समय देखी भारतमा उपचार गराउदै आएका थिए । ति पुरुषलाई उपचार गराउन चितवन मेडिकल कलेज लगिएको र असार ११ गते कारोना परिक्षण गर्दा पोजिटिभ देखिएको थियो । उनको उपचारको क्रममा मृत्यु भएको स्वास्थ्य मन्त्रालयका प्रवक्ता डा.जागेश्वर गौतमले नियमित प्रेस बिफ्रिङका क्रममा जानकारी गराउनुभयो ।
यससँगै नेपालमा कोरोनाबाट ज्यान गुमाउनेको संख्या २८ पुगेको डा। गौतमले बताउनुभयो । मृतक पुरुषको शव नेपाली सेनाको सहयोगमा व्यवस्थापन हुदै गरेको छ ।
