काठमाडौँ । सत्तारुढ दल नेपाल कम्युनिष्ट पार्टी (नेकपा) का दुई अध्यक्ष केपी शर्मा ओली र पुष्पकमल दाहाल प्रचण्डको वान टु वान वार्ता सकिएको छ
मंगलबार प्रधानमन्त्री निवास बालुवाटारमा करिब ३ घण्टा भएको वार्तामा ठोस सहमति भने नभएको नेकपाका नेताहरुले बताएका छन् । दुई अध्यक्षको छलफलपछि बुधाबारलाई तय भएको स्थायी कमिटीको बैठक भने हुने भएको छ ।
यस अघि दुवै अध्यक्षबीच हिजो सोमबार पनि वान टु वान वार्ता भएको थियो । यहि असार १० गतेदेखि शुरु भएको पार्टीको स्थायी कमिटी बैठकमा धेरै सदस्यले प्रधानमन्त्री र अध्यक्ष दुवै पदबाट ओलीको राजीनामा मागेपछि पार्टीमा विवाद बढेको छ । गत शनिबार देखि दुई पटक स्थायी कमिटीको बैठक स्थगित गरिएको छ ।
स्थायी कमिटीमा नेपालको सीमा समस्या र समाधान, सरकारको समग्र समीक्षा, कोरोना रोकथाम र उपचार, पार्टी एकताका बाँकी काम, एमसीसी लगायत कार्यसूची छन् ।
