धादिङ । धादिङमा पहिरोका कारण एक जनाको मृत्यु भएको छ । गजुरी गाउँपालिका वडा नं २ स्थित मजुवाडाँडामा पहिरो जाँदा स्थानीय १७ वर्षीय निरुता परियारको मृत्यु भएको जिल्ला प्रहरी कार्यालय धादिङले जनाएको छ । कार्यालयका प्रहरी नायव उपरिक्षक रुपक खड्काका अनुसार पहिरोमा बेपत्ता भएको उनको शव फेला हो ।
खड्काका अनुसार पहिरोले बेनिघाट रोराङ गाउँपालिका वडा नं ८ धुषाटारमा स्थानीय निशा चेपाङको घर भत्किदाँ ५ वर्षीय छोरी संगीता चेपाङ गम्भीर घाईते भएकी छन् । उनको राजमार्ग सामुदायिक अस्पताल मलेखुमा उपचार भइरहेको छ । यसैगरी पहिरोका कारण राजमार्ग पनि अवरुद्ध भएको छ ।
