काठमाण्डौँ । अर्को हप्तादेखि टुटलले ट्याक्सी सेवा सुरु गर्ने भएको छ। राजधानीमा राइड सेयर सेवा दिइरहेको टुटलले उपत्यकामै ट्याक्सी सेवा सुरु गर्न लागेको हो। आफ्ना क्लाइन्टहरुको अत्याधिक अनुरोध आएकोले ट्याक्सी सुरु गर्न लागिएको टुटलका म्यानेजर आयुस कार्कीले जानकारी दिए।
सुरुमा ५ सय वटा ट्याक्सीबाट सेवा सुरु गर्ने उनको भनाई छ । टुटलले नेपाल सरकारले तोकेकै मूल्यमा सेवा दिने पनि उनको भनाई छ । टुटलको पुरानै एपमार्फत ट्याक्सी सेवा लिन सकिने छ। एपमा ‘ट्याक्सी अप्सन’मा गएर ट्याक्सी बोलाउन सकिने उनले जानकारी दिए।
हालसम्म टुटल प्रयोगकर्ता करिव ८ लाख छन् भने ४५ हजार भन्दा धेरै राइडर टुटलमा आवद्ध छन्।
