काठमाडौं । नेपालमा थप ४६४ जनामा कोरोना संक्रमण पुष्टि भएको छ । ७ हजार ९ सय २६ पीसीआर परीक्षणमा ४ सय ६४ जनामा कोरोना संक्रमण देखिएको हो । नेपालमा कुल कोरोना संक्रमितको संख्या २२ हजार २१४ पुगेको स्वास्थ्य तथा जनसँख्या मन्त्रालयले जनाएको छ ।
नेपालमा हाल सक्रिय कोरोना संक्रमितको संख्या ६ हजार ३३० रहेको छ भने डिस्चार्ज भएकासहित अहिलेसम्मका कुल संक्रमितको संख्या २२ हजार २१४ पुगेको छ । त्यस्तै पछिल्लो २४ घण्टामा ४२५ जना डिस्चार्ज भएका छन् भने अहिलेसम्म १५ हजार ८१४ जना विभिन्न अस्पतालबाट डिस्चार्ज भएका छन् । नेपालमा कोरोना निको हुने प्रतिशत ७०।५८ रहेको प्रवक्ता गौतमले बताएका छन् ।
त्यस्तै पछिल्लो २४ घन्टामा ७ हजार ९२६ नमुनाको पिसिआर परिक्षण भएको छ भने अहिलेसम्म कुल ४ लाख २७ हजार ९२६ नमुनाको पिसिआर परिक्षण भएको छ ।
त्यस्तै अहिले देशभरमा १० हजार २०७ जना क्वारेन्टाइनमा रहेका छन् भने ६ हजार ३३० जना आइसोलेसनमा रहेका छन् । अहिलेसम्म नेपालका ७७ वटै जिल्लामा संक्रमण देखिएकोमा ६ जिल्ला कोरोना मुक्त भएका छन् । जसमा खोटाङ, धनकुटा, रुकुम पश्चिम, मनाङ, मुस्ताङ रहेका छन् । नेपालमा अहिलेसम्म कोरोनाबाट ७० जनाको मृत्यु भएको छ ।
