धादिङ । जिल्ला सुरक्षा समिति धादिङको निर्णय मालबाहक र एम्बुलेन्स बाहेक अन्य सवारी सञ्चालनमा रोक लगाएको छ । साउन २९ गते बिहान ६ बजेबाट पिप्लामोड देखि मौवाखोला सम्म निषेधाज्ञा गरेको छ । नागढुँगा हुँदै काठमाण्डौ छिर्न र बाहिरन सवारी साधनमा प्रतिवन्ध लगाएको छ । अर्को आदेश नभए सम्मको लागि त्रिभुवन राजपथको पिपलामोड देखि पृथ्वी राजमार्गको मौवा खोला सम्म संक्रमण ऐन २०२० को दफा २ र स्थानिय प्रशासन ऐन २०२८ को दफा ६ को उपदफा ३ अनुसार निशेधाज्ञा गर्ने निर्णय भएको छ । मालबाहक गाडी र एम्बुलेन्स बाहेक अन्य सबारी साधन सञ्चालनमा रोक्ने जिल्ला सुरक्षा समितिको धादिङले निर्णय गरेको छ ।
