नुवाकोट। नुवाटकोमा निषेधाज्ञा ७ दिनका लागि थप गरिएको छ। भदौ २ गते राति १२ बजेदेखि लागू हुनेगरी ७ दिनका लागि निषेधाज्ञा थप गरेको हो। जिल्ला प्रशासन कार्यालय नुवाकोटले मंगलबार एक विज्ञप्ति जारी गर्दै विदुर नगरपालिका, बेलकोटगढी नगरपालिकाका सबै क्षेत्रमा निशेधाज्ञा जारी गरेको हो।
त्यसैगरी दुप्चेश्वर, लिखु, पञ्चकन्या र शिवपुरी गाउँपालिकाका सबै क्षेत्रमा निषेधाज्ञा जारी गरेको जनाएको छ। अन्य तीन गाउँपालिका तारकेश्वर, तादी र ककनीका केही वडामा निषेधाज्ञा जारी गरेको जिल्ला प्रशासन कार्यालयले जनाएको छ। जिल्लामा कोरोना भाइरसको संक्रमण बढेसँगै यसअघि पनि प्रशासनले निषेधाज्ञा जारी गरेको थियो।
