काठमाण्डौँ । युइ एफए च्याम्पियन्स लिगको उपाधि जर्मन क्लब बायर्न म्युनिखले हात पारेको छ। लेस्बनमा भएको फाइनल खेलमा फ्रेन्च क्लब पेरिस सेन्ट जर्मेन (पीएसजी) लाई १-० गोलअन्तरले हराउँदै बायर्नले च्याम्पियन्स लिगको उपाधि हात पारेको हो।
प्रतिस्पर्धात्मक खेलमा पहिलो हाफमा खेल गोलरहित बराबरीमा रोकिएको थियो। दोस्रो हाफमा बायर्नको जितको लागि किङ्ग्स कोमनले निर्णायक गोल गरे। उनले खेलको ५९ मिनेटमा किममिचको पासमा गोल गर्दै बायर्नलाई च्याम्पियन्स लिगको उपाधि सुरक्षित गराए। खेलमा दुबै टिमले पटकपटक गोलका अवसरहरु सिर्जना गरेता पनि सदुपयोग भने गर्न सकेनन्।
यो सँगै बायर्न म्युनिखले छैटौ पटक च्याम्पियन्स लिगको उपाधि जितेको छ। यसअघि सन् १९७४, १९७५, १९७६, २००१ र २०१३ मा उपाधि जितेको थियो।
