काठमाडौं । काठमाडौं उपत्यकामा २ सय २४ संक्रमित थपिएका छन् । सोमबार स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले दिएको जानकारी अनुसार उपत्यकामा सोमबार मात्रै २ सय २४ जना थपिएका हुन् । जसमध्ये भक्तपुरमा १४ , ललितपुरमा ३३ र काठमाडौंमा १ सय ७७ रहेका छन् ।
देशभर संक्रमितको संख्या ७ सय ४३ रहेको छ । योसँगै देशभर संक्रमित हुनेको संख्या ३२ हजार ६ सय ७८ पुगेको छ । पछिल्लो २४ घण्टामा ८ जनाले ज्यान गुमाएको पुष्टि भएकोे छ ।
