धादिङ । धादिङका थप ९ जनामा कोरोना सँक्रमण भएको छ । स्वास्थ्य तथा जनसँख्या मन्त्रालयका प्रवत्ता डा जागेश्वर गौतमका अनुसारका अनुसार धादिङका ९ जनामा सँक्रमण पुष्टि भएको हो । त्रिपुरासुन्दरी गाउँपालिकाका ८ जना र बेनिघाट रोराङ गाउँपालिकाका १ जनामा संक्रमण पुष्टि भएको हो। त्रिपुरासुन्दरी गाउँपालिका वडा नं २ का १८,१८,२१,३०,३६ वर्षिय पुरुष र २१,२४ वर्षिय महिलामा कोरोना पुष्टि भएको छ ।
त्रिपुरासुन्दरी गाउँपालिका वडा नं ६ का २९ वर्षिय पुरुष र बेनिघाट रोराङ गाउँपालिकाका वडा नं ३ का ४५ वर्षिय महिलामा कोरोना पुष्टि भएको हो । यो सँगै धादिङमा जम्मा संक्रमितको सङ्ख्या २ सय ११ पुगेको छ ।
यस्तै काठमाडौं उपत्यकामा पछिल्लो २४ घण्टामा थप १८६ जना कोरोना संक्रमित भेटिएका छन्। मन्त्रालयले दिएको जानकारी अनुसार शनिवार उपत्यकाका जिल्लाहरू काठमाडौंमा १५५ जना, ललितपुरमा १९ जना र भक्तपुरमा १२ जना संक्रमित भेटिएका हुन्।
नेपाल भर भने ८८४ जनामा कोरोना भाइरस संक्रमण पुष्टि भएको छ। २४२ महिला र ६४२ पुरुष गरेर २४ घण्टामा ८८४ जनामा संक्रमण पुष्टि भएको हो। पछिल्लो २४ घण्टामा १२ जनाको मृत्यु भएको छ ।
