हेटौंडा । मकवानपुरमा आज एकै दिनमा थप २७ जनामा कोरोना संक्रमण पुष्टि भएको छ । दिउँसो प्राप्त रिपोर्टमा १४ जना र साँझ प्राप्त प्रदेश प्रयोगशालाको रिपोर्टमा १३ जनामा कोरोना संक्रमण पुष्टि भएको हो ।
कोरोना संक्रमणमा सबै भन्दा धेरै हेटौंडा उपमहानगरपालिकामा वसोवास गर्ने रहेका छन् । हेटौडाका मात्र १० जनामा कोरोना संक्रमण पुष्टि भएको उपमहानगरपालिकाका जनस्वास्थ्य निरिक्षक भोला चौलागाईले जानकारी दिनुभयो । अरु ३ जना हेटौंडामा कार्यरत तर, मकवानपुर बाहेकका जिल्लाका रहेका छन् । यसअघि दिउँसो हेटौंडाकै १४ जनामा कोरोना संक्रमण पुष्टि भएको थियो ।
