धादिङ । पछिल्लो २४ घण्टामा काठमाडौं उपत्यकामा २९८ कोरोना संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा। जागेश्वर गौतमका अनुसार काठमाडौं उपत्यकामा २९८ संक्रमित थपिएका हुन् ।
सोमबार काठमाडौं १९० जना, भक्तपुरमा ४१ र ललितपुर ६७ जनामा कोरोना भाइरसको संक्रमण देखिएको छ । शनिबार काठमाडौंमा १५५ जना, भक्तपुरमा १२ र ललितपुर १९ जनाम गरी १८६ जना कोरोना संक्रमण देखिएको थियो । पछिल्लो २४ घण्टामा ५८८ जना निको भएका छन्। मन्त्रालयका अनुसार अहिलेसम्म २१ हजार ४०१ जना संक्रमणमुक्त भएर फर्किएका छन्।
