ठमाडौं । प्रधानमन्त्री केपी शर्मा ओलीले तत्काल मन्त्रिपरिषद्मा हेरफेर नहुने बताएका छन् । अर्थमन्त्री डा। युवराज खतिवडाले पदबाट राजीनामा दिने जानकारी गराएर मन्त्री परिषद् बैठकबाट बाहिरिएपछि ओलीले मन्त्रीहरुलाई ढुक्कसँग काम गर्न निर्देशन दिएका हुन् । आजको मन्त्री परिषद् बैठक सकिएको छ भने खतिवडाले आजै राजीनामा दिने जानकारी दिएका छन् ।
यता पार्टी शीर्ष नेतृत्वबीच मन्त्री परिषदमा हेरफेर गर्ने बारेमा परामर्श जारी रहेको थाहा भएको छ । कार्यकारी अध्यक्ष पुष्पकमल दाहाल प्रचण्ड यसमा चासोका साथ सक्रिय रहेका छन् । कार्यदलको सुझाव बमोजिम नै मन्त्री परिषद हेरफेर गरेर नयाँ पुराना नेतालाई जिम्मेवारी दिने उनीहरुको तयारी रहेको बताईएको छ ।
नेकपा सचिवालय बैठकले राष्ट्रिय सभामा खाली रहेको एक सांसद् पदका लागि पार्टी उपाध्यक्ष बामदेव गौतमलाई पठाउने निर्णय गरेपछि मन्त्री खतिवडाले पदबाट राजिनामा दिन लागेका हुन् । गौतम संसदमा प्रवेश गरेपछि सरकारमा समेत महत्वपूर्ण जिम्मेवारी लिन चाहन्छन् ।
अर्थमन्त्री खतिवडाले राजिनामा दिए पनि तत्काल मन्त्रिपरिषद् पुनर्गठन नहुने भएकाले ढुक्क भएर काम गर्न प्रधानमन्त्रीको निर्देशन भएपनि मन्त्रीहरु ढुक्क देखिँदैनन् । ओलीले मन्त्रीहरुलाई हल्लाको पछि नलागी काममा जुट्न पनि निर्देशन दिएका छन् । - Saral
