हेटौंडा । मकवानपुर जिल्लामा आज एकै दिन थप १४ जनामा कोरोना भाइरस संक्रमण पुष्टि भएको छ । आज थपीएका संक्रमितहरु अधिकांश हेटौंडा उपमहानगरपालिका क्षेत्रका रहेका छन् ।
जिल्लामा कोरोना संक्रमण मुक्त हुनेको संख्या ४४२ जना पुगेको छ भने कोरोना संक्रमित हुनेहरुको संख्या ७१२ पुगेको छ । कोरोनाका कारण जिल्लामा ७ जनाको मृत्यु भएको छ । पछिल्लो समयमा कोरोना संक्रमण हुनेको संख्या बढेको हेटौंडा उपमहानगरपालिकाका जनस्वास्थ्य निरिक्षक भोला चौलागाईले जानकारी दिनुभयो।
