काठमाण्डौँ । काठमाडौं उपत्यकामा एकैदिन अहिलेसम्मकै धेरै ६९६ जना संक्रमित थपिएका छन्। काठमाडौंमा मात्र ६२० जनामा संक्रमण पुष्टि भएको छ।
स्वास्थ्य तथा जनसंख्या मन्त्रालयका काठमाडाैंका १९४ महिला र ४२६ पुरुषमा संक्रमण पुष्टि भएको हो। मन्त्रालयका अनुसार ललितपुरमा ३८ र भक्तपुरमा ३८ जना संक्रमित थपिएका छन्।
पछिल्लो २४ घण्टामा देशभर १४५४ जना संक्रमित थपिएका छन्। योसँगै नेपालमा संक्रमितको संख्या ५१ हजार ९१९ पुगेको छ। पछिल्लो २४ घण्टामा ९७२ जना कोरोना संक्रमित निको भएका छन्।
