काठमाण्डौँ । ‘क्लिन फिड’ लागू गर्न संसदको विकास तथा प्रविधि समितिले सरकारलाई निर्देशन दिएको छ । समितिको सोमबार बसेको बैठकले आगामी कात्तिक ७ गतेभित्र विज्ञापन बोर्ड गठन गरी क्लिन फिड लागु गर्न निर्देशन दिएको हो । समिति सभापति कल्याणी कुमारी खड्काले स्वदेशी टेलिभिजनको प्रवर्द्धन गर्ने उद्देश्यले विदेशी टिभीको प्रशारणमा नेपाली विज्ञापन नराख्न निर्देशन दिएको जानकारी दिइन् ।
