धादिङ । धादिङका थप ८ जनामा कोरोना संक्रमण भएको छ । धादिङको थाक्रे गाउँपालिकाका ४ जना, गल्छि गाउँपालिकाका ३ जना, र गजुरी गाउँपालिकाका १ जनामा गरी ८ जनामा संक्रमण पुष्टि भएको स्वास्थ्य कार्यालय धादिङले जनाएको छ ।
कार्यालयका हेल्थ असिस्टेन्ट मिलन रिजालका अनुसार थपिएका संक्रमितहरुमा थाक्रे गाउँपालिका वडा नं ८ का १९, २१ बर्षिय पुरुष, वडा नं ६ का ६० बर्षिय पुरुष र वडा नं ६ की ८३ बर्षिय महिला रहेका छन् ।
यस्तै गल्छि गाउँपालिका वडा नं १ की २५ बर्षिय महिला, वडा नं ४ की २५ बर्षिय महिला, वडा नं ६ का ३३ बर्षिय पुरुष र गजुरी गाउँपालिका वडा नं २ का २६ बर्षिय पुरुष रहेका छन् र यो सँगै धादिङमा कोरोना संक्रमितको सङ्ख्या ४ सय ३५ पुगेको स्वास्थ्य कार्यालयको भनाई छ ।
