काठमाडौं । सरकारले मुख्यसचिव लोकदर्शन रेग्मीले दिएको राजीनामा स्वीकृत गरेको छ। सरकारका प्रवक्ता तथा परराष्ट्रमन्त्री प्रदीपकुमार ज्ञवालीले रेग्मीको राजीनामा स्वीकृत गरी मुख्यसचिवमा परराष्ट्रसचिव शंकरदास वैरागीलाई नियुक्त गरिएको जानकारी दिए।
आज बसेको मन्त्रिपरिषद् बैठकले सो निर्णय गरेको हो। बैठकबाट अमेरिकाका लागि नेपाली राजदूतमा पूर्वअर्थमन्त्री युवराज खतिवडाको नाम सिफारिस गर्ने निर्णयसमेत पारित भएको छ।
यस्तै बेलायतको लागि नेपाली राजदूतमा पूर्वमुख्यसचिव रेग्मी र दक्षिण अफ्रिकाको लागि नेपाली राजदूतमा डा। निर्मलकुमार विश्वकर्माको नाम सिफारिस गरिएको प्रवक्ता ज्ञवालीले बताए।
