काठमाडौं । नेकपा पाँच नम्बर प्रदेश संसदीय दलको बैठकले प्रदेश पाँचको नाम लुम्बिनी र राजधानी दाङको भालुवाङ बनाउने प्रस्तावमा सर्वसम्मत मतदान गर्ने निर्णय गरेको छ। शनिबार बिहान ८ बजेदेखि साढे १ बजेसम्म बसेको दलको बैठकले सर्वसम्मत मतदान गर्ने निर्णय गरेको प्रदेश सांसद इन्द्रजित थारुले बताए।
दलको बैठकमा प्रदेशको नाम र राजधानीका विषयमा लामो छलफल भयो। प्रदेशको नाम र राजधानीका विषयमा अध्यक्ष केपी ओली र पुष्पकमल दाहाल ‘प्रचण्ड’ले प्रदेशको नाम र राजधानीका विषयमा निर्देशन दिएका थिए। त्यही निर्देशनबमोजिम प्रदेशको नाम र राजधानी राख्न प्रदेश सरकारलाई सजिलो भएको हो।
