धादिङ । थाक्रे ८ चारकिलामा मा अन्दाजी ५० वर्षका पुरुषको बेवारिसे शव फेला परेको छ । ज्यामी काम गर्दै आएका ती पुरूषको शनिबार बेलुका ६ बजेतिर शव फेला परेको इलाका प्रहरी कार्यालय खानिखोलाका प्रहरी निरिक्षक रुपा थापाले जानकारी दिनुभयो ।
काठको मुढा बोकेर ल्याउने क्रममा काठकै मुढाले थिचेर उनको मृत्यु भएको हुन सक्ने प्रारम्भिक अनुमान छ । थप अनुसन्धान भइरहेको पनि प्रहरी निरीक्षक थापाको भनाई छ ।
शवलाई काठमाडौँको शिक्षण अस्पताल पठाईएको छ । मृत्यु भएका उक्त व्यक्तिको नाम थर अझै सम्म खुल्न भने सकेको छैन ।
