काठमाण्डौं । काठमाण्डौ उपत्यकामा बिहीबार दुई हजार पाँच सय ४० जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार गएको २४ घण्टामा काठमाण्डौमा दुई हजार ८५ जना, भक्तपुरमा एक सय ३५ जना र ललितपुरमा तीन सय २० जनामा कोरोनाको सङ्क्रमण देखिएको हो ।
त्यस्तै बिहीबार देशभर १८ हजार चार सय ७३ जनाको पीसीआर परीक्षण भएकोमा चार हजार तीन सय ६४ जनामा कोरोना भाइरसको सङ्क्रमण पुष्टि भएको छ । योसहित अहिलेसम्म कोरोना सङ्क्रमितको सङ्ख्या ९८ हजार ६ सय १७ पुगेको छ । यसमध्ये ७१ हजार तीन सय ४३ जना उपचारपछि निको भएका छन् ।
सक्रिय सङ्क्रमितको सङ्ख्या २६ हजार ६ सय नाघेको छ । अब लकडाउन हुन्छ कि हुँदैन भन्ने द्विविधा पनि बढेको छ ।
