धादिङ । धादिङमा कोरोना संक्रमणबाट थप एक जनाको मृत्यु भएको छ । शनिबार निलकण्ठ नगरपालिका वडा नं ९ का ३४ बर्षिय पुरुषको मृत्यु भएको स्वास्थ्य कार्यलय धादिङले जनाएको छ । यो सँगै धादिङमा कारोना संक्रमणबाट मृत्यु हुनेको संख्या ७ पुगेको छ ।
यस्तै धादिङमा आज थप १६ जनामा कारोना पुष्टि भएको छ । थपिएका संक्रमिहरु नीलकण्ठ नगरपालिकाका १ जना, धुनिबेसी नगरपालिकाका ३ जना, गल्छि गाउँपालिकाका ५ जना, ज्वालामुखी गाउँपालिकाका १ जना, थाक्रे गाउँपालिकाका ४ जना, खनियाबास गाउँपालिकाका २ जना गरि १६ जनामा कोरोना पुष्टि भएको स्वास्थ्य कार्यालय धादिङका हेल्थ असिस्टेन्ट मिलन रिजालले जानकारी दिनुभएको छ । यो सँगै धादिङमा जम्मा संक्रमितको सङ्ख्या ६ सय १५ पुगेको छ ।
