धादिङ । नेपालमा कोरोना संक्रमितको संख्या १ लाख ७ हजार ७ सय ५५ पुगेको छ । आज देशभर बिभिन्न स्थानमा गरिएको परिक्षणमा थप २ हजार ७१ जनामा कोरोना संक्रमण पुष्टि भएको स्वास्थ्य मन्त्रालयका प्रवक्ता डा जागेश्वर गौतमले बताउनुभयो ।
हिजो शनिबार ५ हजार ८ जनामा कोरोना भाइरसको संक्रमण पुष्टि भएको थियो । सङ्क्रमितमध्ये पछिल्लो अपडेट अनुसार २४ घण्टा भित्र १ हजार ५ सय ५२ जना डिस्चार्ज भएसँगै ७५ हजार ८ सय ४ जना संक्रमित निको भएर घर फर्किएका छन् ।
देशभर २४ घण्टामा १२ हजार ४ सय २७ जनाको पीसिआर परिक्षण गरिएको डा गौतमले बताउनुभयो । अहिले देशभर ३१ हजार ३ सय १५ सक्रिय संक्रमित रहेका छन भने ४ हजार ६ सय १३ जना क्वारेन्टाईनमा रहेका छन् ।
