धादिङ । नेपालमा पछिल्लो २४ घण्टायता कोरोनाबाट थप १२ जनाको मृत्यु भएको छ । यससँगै नेपालमा कोरोनाबाट मृत्यु हुनेको संख्या ६७५ जना पुगेको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार पछिल्लो २४ घण्टायता थप २६३८ जनामा कोरोना संक्रमण पुष्टि भएको छ । यससँगै हालसम्म १,१७,९९६ पुगेको स्वास्थ्य तथा जनसंख्या मन्त्रालयले जनाएको छ । त्यस्तै हाल मुलुकमा सक्रिय संक्रमितको संख्या ३६३७६ जना रहेका छन्। यसमध्ये संस्थागत आइसोलेसनमा १४,८१९ जना र होम आइसोलेसनमा २१,५४८ जना रहेका छन् ।
आजको पीसीआर १३,९४७ छ । हाल क्वारेन्टिनमा ४,६६६ जना रहेका छन् । त्यस्तै आईसीयूमा उपचाररतको संख्या ३०५ जना भेन्टिलेटरमा ७० जना उपचाररत रहेका छन् । त्यस्तै पछिल्लो २४ घण्टामा निको हुनेको संख्या २,१७४ जना रहेका छन्। यससँगै हालसम्म कोरोना संक्रमण निको हुनेको संख्या ८०,९५४ जना पुगेका छन् ।
